Часовы перанос гульні - па просьбе гульцаў.

Гульня - лайтовая і хуткая.

• Галоўная яе мэта - прагуляцца, даведацца нешта новае пра горад і проста добра правесці час.
• Гэтая чвцьвертая гульня з серыі, арганізаванай Hrodna.life.

 Яна пройдзе ў раёне горада пад назваю Занеманскі Фарштадт. Далей будуць гульні і па іншых раёнах.

• Занеманскі Фарштадт у разуменні гэтай гульні абмежаваны заводам БЕЛКАРД  і вуліцай Паповіча з другогв боку 
• На момант старту гульні рэкамендуем быць у раёне Філармоніі. 
• Цягам дзьвух тыдняў вам трэба наведаць 15 кропак.
• Далучыцца да гульні можна ў любы момант. 
• Для праходжання гульні спатрэбіцца звычайная зручная штодзённая або спартовая вопратка і абутак.
• Ніякі спецыяльны рыштунак не патрэбны.
• Пры праходжанні ў вечаровы або начны час можа быць карысны ліхтарык.
• Арганізатары рэкамендуюць мець з сабой сродкі індывідуальнай абароны: маскі і антысептыкі (каранавірус не здаецца, таму паклапаціцеся пра сябе).
• У апісанні ўзроўня для таго, каб лягчэй было знайсці код,  будзе напісана дзе прыкладна ён знаходзіцца. Прыклад: код на ступенях уваходу. 
• Усе коды гэтай гульні напісаныя з лічбаў ці знакаў. 
• Першая літара, што вызначае гэтую гульню - H.
• Усе коды напісаныя чорным  маркерам.
• Для аблягчэння разумення аўтарскай логікі - ніжэй прыведзены прыклад задання. 

• Заданне: У старажытныя часы ў Гародні хлопцы, што мелі мянушку “сабакі Богавы” заснавалі ў горадзе вайсковае ўмацаванне.

  Рашэнне задання: “Сабакі Богавы” (“псы Господни”) – па-іншаму дамінікане («Domini canes»). Вайсковае ўмацаванне – фарпост. На месцы былога дамініканскага кляштару ў Гародні (вул. Савецкая, 8) існавала кантора пад назваю "Фарпост".

У апошні дзень восені, калі ўжо так рана цямнее і шпацыры не такія прыемныя, як былі яшчэ нядаўна, запрашаем вас на віртуальны шпацыр-гульню па анлайн-картах Гродна.

 “Гарадзенская панарама” - гэта квіз, які мы стварылі сумесна з каналам Urban Hrodna (https://t.me/urbanhrodna).

 У ім вам спатрэбяцца веды пра наш горад, трошкі логікі і інтэрнэт.  У гульні зможа паўдзельнічаць кожны гродзенец - і не важна, дзе ён зараз знаходзіцца!

Гульня складаецца ўсяго  з 15 няцяжкіх узроўняў.  Загадка на кожным узроўні звязана з якой-небудзь лакацыяй, да якой вам трэба прайсціся на панарамах сэрвісу “Яндэкс.Карты”.  Панарамны від горада можна ўключыць у правым верхнім меню - націсніце на піктаграму з чалавечкам.

На кожным узроўні вам трэба здагадацца, што мы маем на ўвазе, і знайсці адказ на самой панараме. Гэта можа быць надпіс на шыльдзе, лічба або нейкая выява.

Спрабуйце розныя напісанні і варыянты, але калі з нейкай прычыны вы не можаце прайсці які-небудзь узровень або сістэма не прапускае вас далей, хаця вы ўпэўнены, што ўсё робіце правільна - смела пішыце ў зваротную сувязь канала Urban Hrodna (https://t.me/urbanhrodna) - мы разбяромся і дапаможам.

Зарэгістравацца на гульню у вас ёсць магчымасць да 13 снежня 2024 года.